Trump krah Biden e Harris në përkujtimin e viktimave të 11 Shtatorit

Ish-presidenti dhe kandidati republikan për president, Donald Trump dhe kandidati i tij për zëvendëspresident, JD Vance, kanë marrë pjesë në ceremonitë e mbajtura në New York, ku ishin të pranishëm edhe presidenti, Joe Biden dhe zëvendëspresidentja e kandidatja demokrate për presidente, Kamala Harris.

Takimi Trump-Harris në këtë ngjarje ka ndodhur vetëm pak orë pas debatit të parë ndërmjet tyre, që u zhvillua të martën mbrëma.

11 shtatori është dita kur sulmet me avionë të rrëmbyer vranë afro 3000 njerëz në Nju Jork, Pentagon dhe Pensilvani, në vitin 2001.