Spanja është kualifikuar për në finalen e madhe të Europianit, pasi triumfoi 2-1 ndaj Francës në Allianz Arena (Munich). Sfida nisi me mjaft ritëm të lartë. “Gjelat” zhbllokuan takimin që në minutën e nëntë me Kolo Muani, i cili shfrytëzoi në maksimum krosimin e Mbappe. Iberikët u vendosën në kërkim të golit të barazimit, por hasi mjaft vështirësi, pasi prapavija e skuadrës së Deschamps i kishte marrë masat.
Kylian Mbappe u shfaq në të 18-tën me një rast të rrezikshëm, duke shkaktuar drithërima në stadium. Në minutën e 21-të, Yamal realizoi një kryevepër, duke vendosur ekuilibrat.
Me golin kundër Francës në gjysmëfinalen e Euro 2024, fantazisti i Spanjës Lamine Yamal bëhet golashënuesi më i ri në historinë e Europianeve. Ai është vetëm 16 vjeç e 362 ditë.
Goli i përmbysjes erdhi nga Olmo, i cili goditi nga brenda zonës, duke u ndihmuar kështu nga një devijim i Kounde.
Në minutën e 75-të, Theo Hernandez pati një shans të artë, por nga brenda zonës, gjuajtja e mbrojtësit anësor linte për të dëshiruar. Morata me shokë ulën ndjeshëm ritmin e lojës, duke fituar sekonda të çmuara, në fundin e takimit.
Asnjë ndryshim rezultati deri në fund, pavarësisht rasteve. Spanja shkon në finalen e madhe, aty ku do përballet me fituesin e Angli-Holandë. Zhgënjimi i përket krahut tjetër, Mbappe me shokë kthehen në shtëpi përpara kohe.
SPANJË 2-1 FRANCË
21′ Yamal, 25′ Olmo / 9′ Kolo Muani
25′ GOOOL SPANJA 2-1/ Olmo lëviz bukur dhe godet me të djathtën me Kounde që e devijon dhe e çon topin në rrjetë.
(VIDEO)
21′ GOOOL SPANJA 1-1/ Yamal godet nga distanca dhe topi shkon në trekëndëshin e portës.
(VIDEO)
9′ GOOOL FRANCA 0-1/ Mbappe hedh një krosim në zonë dhe Kolo Muani godet me kokë duke e çuar në rrjetë. (VIDEO)
FORMACIONET ZYRTARE:
SPANJA: Unai Simon; Hesus Navas, Naço, Laport, Kukureja; Rodri, Fabian Ruiz; Lamin Jamal, Dani Olmo, Niko Uilliams; Morata.
Trajner: Luis De La Fuente
FRANCA: Menja; Kunde, Upamekano, Saliba, T. Hernandez; Kante, Tçuameni, Rabio; Dembele, Kolo Muani, Mbape.
Trajner: Didier Deshamp.
