Një aksident me pasojë plagosjen e 4 personave ka ndodhur mbrëmjen e sotme në rrugën Pogradec-Drilon.
Sipas të dhënave, nga aksidenti janë plagosur 2 shoferët dhe dy pasagjerë.
“Më datë 01.06.2024, rreth orës 19:12, në aksin rrugor ‘Pogradec-Drilon’, automjeti me drejtuese shtetasen N. S., është përplasur me automjetin me drejtues shtetasin N. M. Për pasojë janë dëmtuar dy drejtuesit dhe dy pasagjerë, jashtë rrezikut për jetën.”- njofton policia.
Me drejtuesit e automjeteve do kryhen veprimet e mëtejshme procedurale.
Grupi hetimor po punon për zbardhjen e shkaqeve të aksidentit.
