Kryebashkiaku Erion Veliaj ka bërë rolin e Shvejkut, teksa foli në televizionin e inceneratorëve në lidhje me drejtorët e arrestuar dhe marrjen e tenderave të bashkisë së Tiranës me kompaninë e tyre “5D”.
Veliaj tha se në Bashkinë e Tiranës zhvillohen 30 procedura në ditë, mijëra në muaj.
Ai deklaroi se është detyra e institucioneve që të shohin shkeljet, ndërsa detyra e tij është që të bashkëpunojë.
“Kemi bashkëpunim total me prokurorinë. Kthejmë përgjigje rekord të plota. Ndonjëherë çojmë më shumë seç duhet. Zelli për bashkëpunim nuk duhet vënë farë në dyshim. Është gjykata që i vërteton këto. Sot ka pafundësi akuzash, deri më sot shumica janë rrëzuar ose mbyllur. Nëse është e vërtetë do marrin dënimin e merituar. Në bashkinë e Tiranës zhvillohen 1 mijë procedura, 30 ditë në ditë. Ka një gamë të gjerë, edhe prokurorë janë qytetarë të këtij qyteti, në orarin e punës, detyra e tyre është në të gjitha institucionet është të shohin shkeljet, detyra ime është bashkëpunimi. Në këto 10 vite ka pasur tërmet drejtësia”, theksoi Veliaj.
