Ura e Francis Scott Key në qytetin amerikan të Baltimores u shemb në orët e para të mëngjesit të 26 marsit, pasi u godit nga një anije me kontejnerë.
Regjistrimi audio i një telefonate midis oficerëve të Autoritetit të Transportit të Maryland-it, Dispetch and Response, kap momentet e tensionuara pak para, dhe menjëherë pas, kolapsit tragjik.
Përpara se anija të godiste urën, anëtarët e ekuipazhit lëshian një thirrje që i lejoi oficerët disa minuta para aksidentit tragjik të bllokonin kalimin mbi urë, për të shpëtuar sa më shumë jetë.
Megjithatë, një ekip ndërtimi që rregullonte gropat nuk mundi tëshpëtonte në kohë.
Gjashtë punëtorë janë shpallur të vdekur dhe përpjekjet për gjetjen e trupave të tyre po vazhdojnë. Përpjekja për të mbyllur me shpejtësi kalimin mbi urë kishte për qëllimin që të pengonte sa më shumë makina, thanë zyrtarët.
Këtu është një transkript i audios nga një kanal i Policisë së Autoritetit të Transportit të Maryland, duke zbuluar se si oficerët iu përgjigjën thirrjes dhe ndaluan me sukses trafikun. Audioja u postua në faqen e internetit të Broadcastify.
Folësi 1: Unë kam nevojë për një nga ju djema në anën jugore, një nga ju djema në anën veriore, të mbajë të gjithë trafikun në Urën Key. Po afrohet një anije që sapo humbi drejtimin. Pra, derisa ta marrin atë nën kontroll, ne duhet të ndalojmë të gjithë trafikun.
Folësi 2: Jam rrugës për në anën jugore.
Folësi 3: Unë jam duke e mbajtur trafikun tani. Unë isha duke drejtuar makinën, por ne ndaluam para urës, kështu që do të ndaloj të gjithë trafikun e jashtëm.
Folësi 1: 10-4, a ka një ekuipazh që punon në urë tani?
Folësi 4: (i padëgjueshëm)
Folësi 4: Dëshiron që të ndaloj trafikun përgjatë kësaj ane tani?
Folësi 1: Po nëse mund të ndalojmë trafikun, vetëm sigurohuni që askush të mos jetë në urë tani. Nuk jam i sigurt se ku është ekuipazhi atje lart. Njoftoni kryepunëtorin, shikoni nëse mund t’i largojmë përkohësisht nga ura.
Folësi 4: 10-4, sapo njësia tjetër të arrijë këtu, do të ngjitem në urë. Unë kam ndalur të gjithë trafikun e brendshëm në këtë moment.
Folësi 4: Sapo të arrini këtu, unë do të shkoj të lajmëroj punëtorët në urë dhe më pas të ndaloj trafikun e jashtëm.
Folësi 5: C-13 Dispetch, e gjithë ura sapo u rrëzua! (i padëgjueshëm), kushdo.. të gjithë…e gjithë ura sapo u shemb.
Folësi 1: A e dimë nëse i gjithë trafiku është ndalur?
Folësi 4: Nuk mund të shkoj në anën tjetër, zotëri, ura është poshtë. Ne do të duhet të marrim dikë në anën tjetër në kontenë Anne Arundel, MSP që të ngrihet këtu dhe të ndalojë trafikun që vjen drejt veriut në urë.
Folësi 5: C13, po e mbaj të gjithë trafikun në drejtim të veriut.
