Andi Rexhepi është 43-vjeçari shqiptar, i cili humbi jetën në Itali teksa po riparonte çatinë e një magazine ku ai ishte punëtor.
Ngjarja ka ndodhur në qytetin e Carpenedolos mëngjesin e kësaj të marte, ku Rexhepi ra nga çatia e cila ishte e dëmtuar nga breshëri.
Sipas mediave italiane, Rexhepi kishte 10 muaj që punonte në atë magazinë dhe ishte babai i një vajze 16 vjeç.
Ishin kolegët e tij që lajmëruan menjëherë ambulancën pas ngjarjes së rëndë, por 43-vjeçari nuk ka mundur të mbijetojë. Ndërkohë karabinierët kanë nisur hetimet mbi ngjarjen dhe zbardhjen e përgjegjësve mbi aksidentin.
