SPAK rregjistroi çështjen ndaj deputetit socialist Bujar Çela për të cilin Prokuroria e Fierit e referoi për tre vepra penale: shkatërrimit të pronës nga pakujdesia, ndërtim të paligjshëm dhe shkelje të rregullave në punë me pasojë vdekjen e Roland Hoxhës dhe Elidion Hoxhës.
Përmes shortit është caktuar që shpërthimi në Lushnjë të hetohet nga prokurori antikorrupsion Sotir Kllapi.
Bëhet me dije se për objektin ku po punonte viktima, që po çmontonte disa profile duke përdorur bombola, është sekuestruar një leje ndërtimi datë 19 shtator 2023 dhënë deputetit, një procesverbal një ditë pas tragjedisë I IMTV Bashkia Lushnjë për prishjen e objektit që zotërohej nga Çela mbasi rezulton se janë kryer punime në shkelje të lejes.
Është administruar një procesverbal ku provohet se ndërtimi ishte pa leje.
Në fashikull tjetër është nën hetim ndaj zyrtarëve të pezulluar me vendim gjykate, mbasi dyshohen për shëprdorim detyre, mes tyre edhe kryeinspektori dhe inspektori i përgjithshëm i Bashkisë Lushnjë.
