Landi Verçani dhe djali i tij 20-vjeçar humbën jetën pasditen e sotme si pasojë e shpërthimit që ndodhi në Lushnje, ku një ekskavator ra në kontakt me linjën e tensionit të lartë, e cila më pas shkaktoi shpërthimin. Babë e bir ndodheshin në ekskavatorin që po punonte në një magazinë që ishte në ndërtim.
Fillimisht humbi jetën Landi Verçani dhe disa orë më pas edhe djali i tij 20-vjeçar, që kishte pësuar djegie të shumta në fytyrë.
Video e mëposhtme tregon momentet e rënda të një prej të afermve të dy viktimave.
“Merma jetën o Zot”, dëgjohet në video gruaja, e cila mbahet në këmbë nga dy persona.
