Nga një debat për pasagjerë midis taksixhinjve që bëjnë linjën Tiranë -Vlorë ka përfunduar me njerëz të gjakosur.
Ngjarja ka ndodhur para pak çastesh në afërsi të zonës së quajtur Xhamia, ku në këtë sherr janë përfishirë më shumë se pesë persona.
Vlorë/Informacion paraprak
Sot, rreth orës 14:40, në lagjen “Hajro Çakërri”, pranë xhamisë, shtetasit E. K., 36 vjeç, dhe A. Zh., 26 vjeç (vëllezër), dyshohen se për motive të dobëta, janë konfliktuar fizkisht, me shtetasit A. J., 26 vjeç dhe A. J., 23 vjeç (vëllezër).
Si pasojë e konfliktit shtetasi E. K dhe A. Zh, janë dëmtuar lehtë dhe pas ndihmës mjekësore janë shoqëruar në Komisariat së bashku me palën tjetër të përfshirë në konflikt, për veprime të mëtejshme.
Vijon puna për sqarimin e plotë të rrethanave të ngjarjes.
