Mbrëmjen e sotme janë regjistruar të shtëna me armë në Fushë Krujë.
Ngjarja është regjistruar në lagjen “Zimzenel” të qytetit, ndërsa i plagosur ka mbetur shtetasi Artan Goga, tregtar makinash. Ndaj tij është qëlluar me një armë zjarri pistoletë në pjesën e shpatullës.
Autori është identifikuar me emrin Vladimir Merlika.
“Më datë 28.02.2024, në rrugën “Asim Zeneli”, shtetasi V. M., dyshohet se ka plagosur me armë zjarri pistoletë shtetasin A. G., 57 vjeç, i cili ndodhet në spital, jashtë rrezikut për jetën. Vijon puna për kapjen e autorit të dyshuar të ngjarjes. Grupi hetimor po punon për sqarimin e rrethanave të ngjarjes”, sqaroi policia.
Ngjarja e Fushë Krujës ka ndodhur pak minuta pas krimit të dyfishtë që u raportua në Korçë.
