E gjithë familja Meta, është e dyshuar për vrasjen e 50-vjeçarit Pëllumb Meta. Edhe pse të tre fëmijët ndodhen pas hekurave, prokuroria po heton edhe Blerina Metën, gruan e 50-vjeçarit.
Policia e Durrësit po vijon me intesitet hetimet në lidhje me zbardhjen dhe dokumentimin e plotë të ngjarjes së ndodhur më datë 10 shkurt. Burime nga grupi hetimor pohojnë se ka dyshime të forta që bashkëshortja e Pëllumb Metës dhe nëna e tre fëmijëve të arrestuar të jetë iniciatorja kryesore në vrasjen e 50-vjeçarit dhe asgjësimin e kufomës.
Blerina Meta është lënë qëllimisht e lirë nga Policia për të zbuluar detaje të tjera që grupit të hetimit i nevojiten për të zbuluar të vërtetën. Raportohet se Blerina aktualisht qëndron te prindërit e saj në Laç dhe shtëpia e saj në Shënavlash po administrohet nga Prokuroria. Hetuesit po mbajnë në survejim me metoda speciale Blerina Metën.
Nuk e besojmë që shkak për vrasjen të ketë qenë historia e fejesës. Ne mendojmë se diçka tjetër fshihet. Ata sakrifikuan kryefamiljarin që mos të dilte ai sekret nga gjiri i familjes.
Po punojmë me intesitet, me metoda aktive dhe proaktive. Kemi dyshime të forta se iniciatorja kryesore e kësaj ngjarjeje të jetë Blerina Meta”, thanë burime nga grupi i hetimit.
