Lajmet e fundit për nisjen e spektaklit më të ri, Ferma VIP, në Vizion Plus dhe në dy kanale të dedikuara kur personazhet do të jenë live në platformën Tring, po bëhen më konkrete, ditë pas dite.
Sot, Ferma duket se ka zbuluar një prej personazheve që do të jetë pjesë e këtij formati të pazakontë për ekranet shqiptare e që producentja Holta Dulaku ka zgjedhur ta sjell edhe në Shqipëri, pas shpërndarjes së kësaj patente në më shumë se 40 vende të Botës. Starti që pati në Suedi, në vitin 2011, u bë menjëherë i suksesshëm, njësoj siç pritet të jetë edhe për Shqipërinë kjo sipërmarrje që, bashkë me spektaklin, vëmendjen parësore e ka ndaj natyrës, ndaj tokës, atë për të cilët duhet të kujdesemi dhe zhvillojmë të gjithë.
Ende nuk e dimë nëse Bes Kallaku do të jetë njëri prej personazheve që, më shumë se të tjerët i ka bërë gjithnjë jehonë jetës së fshatit, zakoneve e jetesës së gjyshes së tij, Ijes, apo është vetëm aktori i përzgjedhur nga produksioni për klipin prezantues!? Do të presim edhe pak për të parë jo vetëm Besin, por edhe cilët do të jenë emrat e tjerë që do t’I japin jetë tokës së Fermës VIP.
