Nga Neritan Vladi
Nuk mund ta marësh për idiot dhe idiotizma komentet e tij që bën lartë e poshtë, jo më kot e cilësova që është Profesor.
Edmond Spaho është mishërimi i thuajse të gjithë problemeve në kronologji historike të Partisë Demokratike.
Nëse do duam të jemi serioz së pari duhet të jemi luajal me votuesit dhe mbështetësit tanë.
Partia Demokratike ka vuajtuar ripërtëritjen e elitave dhe kjo ka ndodhur si pasojë e klaneve dhe konjukturave të krijuara.
Edmond Spaho e ka nisur politikën si Ministër i Financave në vitin 1992 dhe që prej asaj kohe e deri më sot ka mbajtur postet më të larta shtetërore dhe politike në Partinë tonë.
Edmond Spaho i ka marë politikës benefitet, por kurrë nuk ka mbajtur përgjegjësi. Deri në momentin e ndarjes së Partisë Demokratike nga e shkuara ka qenë nënkryetar dhe nuk kishte asnjë përgjegjësi për humbjen e zgjedhjeve të 25 Prillit 2021.
Mos u habisni nga kjo deklaratë e Mondit, sepse nuk është e para.
Në seancën dëgjimore për “Buxhetin e vitit 2022” në Komisionin e Ekonomisë, Spaho u shpreh se pastrimi në Tiranë ka një përmirësim të dukshëm krahasuar me vitet më parë.
“Unë një pyetje kam për zotin Veliaj, paraprakisht dua të them që ka përmirësim në pastrimin e Tiranës, është i dukshëm. Megjithatë desha të dija nëse kompanitë e pastrimit do të investojnë në teknologji, pluhuri që gjendet anës rrugëve duhet të presësh motin që të lahet, a ka ardhur koha që të hiqet fshesa në ato zona ku mund të hiqet?”, u shpreh Spaho.
Sot Spaho deklaron që më mirë bashkëpunon me Ramën dhe Ballën se sa me Demokratët. Dora vazhdon të jetë e shtrirë dhe dera vazhdon të jetë e hapur për çdo demokrat duke ja njohur kontributet dhe sakrificat. Por ky opsion nuk mund të jetë për individë si Mondi që në 32 vjet vetëm e ka vjelë dhe ka qenë përfitues i Partisë sonë dhe ne nuk mund ti shërbejmë më megalomanisë së sëmurë të një individi që mendon se ka lindur mbi karike dhe e sheh kariken si pronë të tijën.
Partia Demokratike i takon rinisë dhe kauzave për të cilat kjo parti është krijuar!
