Më datë 2 janar Partizani ka mbërritur në Antalia të Turqisë, ku është stacionuar për të kryer një minifazë përgatitore. Qëllimi është njohja e Shehit me skuadrën dhe ringritja e ekipit, me synim rikthimin te rezultatet pozitive pas shtatë hapave fals në kampionat.
Prej tri ditësh skuadra është angazhuar me nga dy seanca në ditë, me trajnerin Shehi, që i ka dhënë ngarkesë maksimale lojtarëve të gatshëm. Marçelino Preka është stërvitur i veçuar dhe po punon për rikuperimin e problemit në shpatull.
Kristian Mba, që ka pësuar një tërheqje muskulore, nuk ka udhëtuar me skuadrën në Turqi dhe po punon në Tiranë për rikuperimin, që pritet të zgjasë deri në ditët e para të shkurtit.
REDON ISMAILI – Mesfushori është emri i ri që ka udhëtuar me skuadrën në Turqi. 21- vjeçari është bërë pjesë e “armatës” së trajnerit Shehi, duke kryer stërvitjet e para si lojtar i Partizanit, pavarësisht se zyrtarizimi nuk ka mbërritur ende.
Mesfushori, i cili në Kosovë është krahasuar edhe me lojtarin e Interit, Barela, vjen te Partizani si lojtar i lirë, pas përfundimit të kontratës me Gjilanin në Kosovë.
Ismaili luan si mesfushor qendre dhe shihet si një lojtar që do t’i shërbejë të ardhmessë ekipit të kuq. Ai luajti në 18ndeshje (9 si titullar) me Ballkanin në këtë sezon, dukeshënuar një gol dhe dhuruar 3asiste. Ismaili është produkt i ekipeve zinxhir të Gjilanit.
DEBUTIMI I SHEHIT – Trajneri durrsak do të debutojë sotnë orën 13:00 në stolin e Partizanit. Kampionët në fuqi përballen me holandezët në Volendam në miqësoren e parëtë këtyre përgatitjeve në Antalia. Ndeshjen do të mund tandiqni në “tv.partizani.al”.
