Zbulohet shkaku i zjarrit në një rrobaqepësi në Rrëshen.
Sipas policisë zjarri në këtë ambient nuk ishte shkaktuar nga shkëndijë elektrike, por nga vetë pronarja, e cila vuan nga probleme të shëndetit mendor.
Uniformat blu bëjnë me dije se ka nisur procedimi në gjendje të lirë për shtetasen me iniciale L. Ç., për veprën penale “Shkatërrimi i pronës me zjarr”.
Njoftimi i policisë
Rrëshen/Informacion shtesë
Si rezultat i veprimeve të thelluara të kryera nga grupi hetimor, për rënien e zjarrit në rrobaqepësinë e shtetases paraditen e sotme, ka rezultuar se zjarri në këtë ambient nuk ishte shkaktuar nga shkëndijë elektrike.
Nga hetimet dyshohet se është vënë nga shtetasja 40 vjeçe, banuese në Rrëshen, e cila vuan nga probleme të shëndetit mendor.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasen për veprën penale “Shkatërrimi i pronës me zjarr”.
