Pavarësisht se ka qenë për një kohë të gjatë i dëmtuar, cilësitë e Kristian Mba mbeten të padiskutueshme dhe të lakmueshme edhe nga klube në kampionate më të forta. “Panorama Sport” mëson se sulmuesi nigerian ka rënë në radarët e një klubi slloven, emri i të cilit nuk bëhet ende i njohur, teksa për të ka interes edhe nga Kroacia.
Partizani po i shqyrton ofertat për sulmuesin, por nuk ka ndërmend ta lëshojë lehtë sulmuesin, sidomos tani në janar, kur është shumë e vështirë të gjesh zëvendësues në këtë rol.
Mba nuk ishte pjesë e skuadrës dje ndaj Erzenit, me klubin, që e justifikoi mungesën e tij me një tërheqje muskulore të gradës së parë. Largimi i Mba do të lejohej vetëm për një kthim të mundshëm të Skukës apo ardhjen e ndonjë sulmuesi tjetër më me peshë.
