Abilaliaj: I druheshim kësaj situate sot, duke pasur parasysh që në mesjavë kemi konsumuar shumë dhe patjetër trofeu dhe euforia bën të vetën. Kemi vuajtur intensitetin e Erzenit që e donte më shumë fitoren e dha gjithçka për gjithçka. Kishim në dorë që në të dytën ta khenim, nuk ia dolëm dhe normale, arritëm te humbja.
Partizani është një ekip i cili për momentin ka tej mase nevojë për një periudhë pushimi, duke pasur parasysh që lojtarët tanë, 4-5 që nuk japin rendimentin e tyre, janë gati me 26 ndeshje që flasim sot, pjesa tjetër e kampionatit me 16-17. Kanë futbollistët një periudhë të tillë që kanë luajtur shumë, këtë e dinim. Forca jonë vinte nga reparti difensiv, nga qendrat e mbrojtjes, patëm pasiguri dhe nuk zgjidhëm situatat siç duhet. E dinim që Erzeni do luante në kundërsulm por prisnim ta zgjidhnim me lojtarët me përfaqësues, ndaj edhe Hadroj e Sota ishin vendosur në atë krah. Duhet të përmirësohemi në qendër të mbrojtjes, jemi në kërkim, kemi profile dhe i jemi futur punës për këtë gjë.
Të them të drejtën, të dhënat reale që na nxjerrin rendimentin, thonë se mbajtja e topit ka qenë e jona. Erzeni ka luajtur diku në pjesën më të madhe tërë kohën në kundërsulm me Zekën e Mihanën. E vërtetë është që nuk arritëm afrohemi në mënyrë të rrezikshme, por pjesa tjetër ishte ndërtuar që Erzeni të luajë në thellësi dhe ashtu ia doli të merrte penaltinë që m’u duk shumë bujare. Edhe goli i Mihanës ishte në thellësi. Nëse nuk ve intensitetin maksimal, rrezikon se nuk është se Erzeni është i palexueshëm, ishte thjesht interpretimi që nuk e bënë dot çunat për 90 minuta.
Largimi i Mba?
Abilaliaj: Jo, nuk e besoj që largohet askush, duke pasur parasysh që 6 mujori i dytë është më i rëndësishëm, do të jetë komplet tjetër gjë në gjashtëmujorin e dytë, duke pasur parasysh që të gjithë të jenë të gatshëm. Mba ka dëmtim dhe ka luajtur i tillë gjatë gjithë kohës. Nuk ka asnjë largim, mund të ketë 2-3 afrime kryesisht në repartin difensiv. Në 6-mujorin e dytë futemi me lojtarë më të relaksuar dhe që patjetër do të kenë përformancë më të madhe në qendër të mbrojtjes.
