Alban Hoxha në prononcimin e dhënë para ndeshjes Partizani-Erzeni ka zbuluar edhe një sekret, ku sipas tij lojtarët janë pyetur nga drejtuesit se kë dëshirojnë që të kenë trajner. Veterani i portës së kuqe ka pohuar se Orges Shehi ka qenë dëshira e tij më e madhe dhe që quhet realizuar tashmë. Të dy bashkë kanë ndarë dhomën kur ishin pjesë e Kombëtares, ndërsa tani Hoxha do të jetë në urdhrat e Orges Shehit.
Në intervistën e dhënë për “MCN” kapiteni i të kuqve ka pohuar se i ka bërë përshtypje rezultati i thellë që u arrit sot në Rrogozhinë, gjithsesi në fund i uroi suksese Tiranës për fitoren. Hoxha pohoi se 2023-shi ka qenë një vit fantastik për Partizanin, i cili edhe këtë sezon është ndërtuar për kampion
Viti 2023 ka qene i mrekullueshëm për Partizanin, pasi së fundmi fituat edhe Superkupën. Si është përjetuar brenda skuadrës ky vit kalendarik?
Viti ka qenë fantastik, pasi dolëm kampion në maj. Grupi thuajse mbeti i njëjtë me pak ndryshime për objektivin e këtij sezoni. Tani jemi në rrugën e duhur, por janë ende shumë ndeshje për t’u luajtur . Por ky ekip është ndërtuar për kampion dhe shpresoj që në fund do t’ia arrijmë.
Kur pritet që Alban Hoxha të rikthehet në fushë?
Së shpejti nis vrapimet, ndonëse nuk kam pasur ndonjëherë dëmtime të gjata. Ishte një problem i një natyre tjetër dhe kaloi thjesht dhe me nisjen e vrapimeve, besoj që për dy-tre javë kthehem në stërvitje me grupin dhe do të jap maksimumin tim.
A të bëri përshtypje fitorja e thellë e Tiranës në fushën e Egnatias?
Tiran ka ekip të mirë, por rezultati patjetër që më bëri përshtypje sepse duke parë Egnatia që është ekip shumë i fortë . Megjithatë, ky kampionat ka treguar se nuk ka ekipe favorite. Ka ndeshje të vështira, ka ndeshje që mund t’i fitosh më thjesht, por rezultatet nuk besoj se mund të jenë të thella në çdo ndeshje. Padyshim që më bëri pak përshtypje rezultati, megjithatë uroj Tiranën për suksesin.
Te Partizani vjen një trajner që ka qenë portier, ashtu siç jeni edhe ju…
Unë Gesin e njoh si koleg, pasi kemi qenë bashkë edhe në Kombëtare, ku herë – herë kemi ndarë edhe dhomën bashkë. Si trajner nuk kam punuar, megjithatë të gjithë çunat flasin mirë. E mirëpres Gesin me shumë dëshirë te Partizani dhe ka qenë një nga dëshirat e mija më të mëdha. Pasi kur më kanë pyetur se kë dëshironi trajner, dëshira ime më e madhe ishte që të vinte Gesi , sepse është i ri një trajning, e njeh mentalitetin e lojtarëve. Jose dua të paragjykoj trajnerët e vjetër, por diçka e mirë se ka shumë pak vite që e ka lënë futbollin dhe e di se çfarë kërkon lojtari. Më bëhet qejfi dhe i uroj dhe të ketë sa më shumë suksese te Partizani dhe të vazhdojë sa më gjatë.
