Kishte pak dyshime, por tani janë shuar totalisht. Orges Shehi do të ulet në stolin e Partizanit.
Ashtu siç përflitej prej kohësh, konfirmimi ka ardhur më në fund edhe nga drejtori Arbër Abilaliaj, i cili shprehet se ka akord me teknikun Shehi.
“Siç dhe ju e dini vazhdojmë t’i qëndrojmë planit që kemi bërë në nisjen e këtij projekti ka që në verë. Ditët në vijim kemi pasur akord total prej shumë kohësh me trajnerin. Besoj që shumë shpejt do jetë dhe dita për të bërë zyrtarizimin.
Kjo është në aspekt të dytë sepse më e rëndësishme ndeshja nesër. Kjo është ajo që duhet të kemi vëmendje maksimale. Gesi ishte projekt qe kemi filluar të punojmë që në 5 tetor dhe besoj ditët në vazhdim do ta konkretizojmë.”- tha Abilaliaj në konferencën në prag të sfidës së Partizanit me Erzenin.
Orges Shehi kalon në anën tjetër të kryeqytetit, pas disa vitesh qëndrimi te Tirana. Me interes të madh pritet të shihet sesi do jetë Partizani nën urdhërat e “timonierit”.
