Autoritetet në Vlorë kanë shpallur në kërkim tre persona pas një konflikti të dhunshëm të ndodhur në lagjen “15 Tetori”.
Sipas njoftimit zyrtar, Specialistët e Seksionit për Hetimin e Krimeve ndaj Personit në DVP Vlorë kanë referuar materialet në Prokurori dhe po kërkojnë shtetasit F. B., 34 vjeç, K. Xh., 33 vjeç dhe E. H., 25 vjeç, të gjithë banues në Vlorë.
Ngjarja ndodhi ditën e djeshme, kur pas një konflikti për motive të dobëta, shtetasi F. B. dyshohet se ka goditur me thikë shtetasin S. M., 32 vjeç.
I plagosuri u dërgua menjëherë në Spitalin Rajonal Vlorë dhe ndodhet jashtë rrezikut për jetën.
Hetimet e para kanë zbuluar se shtetasi K. Xh. ka përdorur automjetin e tij për të larguar autorin e dyshuar nga vendi i ngjarjes, ndërsa shtetasi E. H. dyshohet se ka larguar automjetin e F. B.
