Komisioni për Edukimin dhe Mjetet e Informimit Publik do të zhvillojë sot një seancë dëgjimore me anëtarët e Këshillit Drejtues të RTSH në lidhje me procedurat që janë ndjekur në përzgjedhjen e kandidaturave për drejtor të Përgjithshëm të RTSH.
Seanca vjen pas akuzave për paligjshmëri në garën për përzgjedhjen e kreut të RTSH, pasi Këshilli Drejtues skualifikoi nga gara kandidatët me pretendimin se nuk plotësojnë kriteret.
Edhe opozita edhe mazhoranca janë në një linjë në lidhje me parregullsitë që ndoqën këtë proces dhe kërkuan transparencë.
