Janë publikuar pamjet e momentit kur hajduti futet në banesën e efektivit të Gardës së Republikës, Dhimitër Prifti, dhe i grabit armëmn e shërbimit.
Siç shihet edhe në videon e mëposhtme të siguruar nga Boldnews.al, kamerat e sigurisë në banesë kanë fiksuar autorin, një person ende i paidentifikuar, ka hedhur mbi kokë vetëm kapuçin e bluzës, teksa fytyrën nuk e ka mbuluar.
Policia po punon për identifikimin e autorit të ngjarjes.
“Në Komisariatin e Policisë Nr. 1, është paraqitur shtetasi Dh. P., 36 vjeç, banues në Tiranë (punonjës i Gardës së Republikës), i cili ka kallëzuar se shtetas të paidentifikuar kanë hyrë në banesën e tij dhe i kanë vjedhur armën e shërbimit. Punohet për identifikimin dhe kapjen e autorit/ëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, – njoftoi Policia e Tiranës.
