SPAK ka urdhëruar sekuestrimin e celularit të shoqëruesit të kreut të Partisë Socialdemokrate, Tom Doshi, në kuadër të një hetimi për korrupsion zgjedhor.
Burime bëjnë me dije se veprimi është pjesë e një operacioni më të gjerë hetimor që po zhvillohet në Shkodër.
Aktualisht, në këtë qytet po ushtrohen kontrolle personale ndaj disa individëve të dyshuar se kanë lidhje me strukturat lokale të PSD-së.
Nuk dihet ende nëse janë lëshuar urdhër-arreste apo nëse janë sekuestruar të tjera prova materiale.
Hetimi është përqendruar në dyshime për përfshirje në blerje votash dhe shkelje të rregullave të fushatës elektorale.
