Është shkarkuar nga detyra drejtori i Autoritetit Kombëtar Ushqimor në Tiranë, Fatjon Pasholli.
Në vend të tij mësohet se është komanduar Alketa Hoxha, e cila më herët ka mbajtur postin e drejtores juridike në AKU-në e Përgjithshme.
Skarkimi i Pashollit vjen pas një seri skandalesh me sigurinë ushqimore të shqiptarëve.
Të parat ishin mandarinat me pesticide të cilat edhe pse Kroacia i kthehu mbrapsht, u hodhën në treg për konsumatoirn shqiptar. Më pas, u zbulua skandali me filetot e pulës të kontaminuara me salmonelë, të cilat ishin importuar nga Brazili.
Së fundmi, RASFF dha alarmin edhe për speca me pesticide të rrezikshme të cilat ishin importuar nga Greqia.
