Jasir Asani nuk i ndahet zërma nga Partizani dhe në këto ditë që po kalon në kryeqytetin shqiptar, ka shfrytëzuar rastin që të ndjekë të kuqtë në stadium në finalen e Superkupës. Ai i është gëzuar trofeut të fituar nga ish-skuadra ë tij, por ka theksuar se ka bindjen e plotë që në fund të edicionit, ekipi i drejtuar nga Tetova do të shpallet përsëri kampion.
“Partizani futet në fushë për kampionatin e Superkupën. Është klub shumë i madh me histori. Jam i lumtur se e shoh çdo vit që shkon lart e më lart, duke bërë mirë edhe në Champions.
Kam luajtur këtu me Partizanin dhe me Kombëtaren, kemi bërë shumë ndeshje të mira. Ku ka më mirë se sa të shohësh Partizanin duke fituar.
Mendoj se në fund Partizani del në vend të parë, nuk diskutohet. Egnatia është një ekip i ri që po bën lojë të bukur, Por gjithsesi, gjërat do shkojnë ku duhet”, tha Asani për “MCN” pas ndeshjes.
