Gjatë ditës së sotme do të ketë sërish rritje të vlerave barike duke sjellë në territorin shqiptar mot të kthjellët në bregdet dhe zonat e ulëta. Por me kthjellime dhe vranësira të shpeshta do të paraqitet moti në zonat malore ku më të dukshme vranësirat do të jenë në veri dhe verilindje të Shqipërisë.
Orët e pasdites dhe në vijim do të sjellin vranësira të lehta e kalimtare në të gjithë territorin e vendit. Situata e motit të qëndrueshëm do të mbetet prezent edhe gjatë natës.
Temperaturat e ajrit do të pësojnë rritje të lehtë në mëngjes, mesdita sjell rritje të ndjeshme të tyre duke luhatur vlerat ditore nga -2°C vlera minimale dhe deri në 15°C maksimale në rang territori.
Era do të fryjë mesatare si në tokë dhe në det duke arritur shpejtësinë 30 km/h nga drejtimi perëndimor dhe veriperëndimor dhe për pasojë në brigjet detare do të krijohet dallgëzim i ulët.
