Një aksident i rëndë ka ndodhur dy ditë më parë në Vushtrri të Kosovës, pasi një makinë përplasi një grua shtatzënë.
Dyshohet se gruaja ka humbur binjakët e saj të palindur, ndërsa vetë është në gjendje të rëndë.
Sipas Policisë, aksidenti ka ndodhur më 22 dhjetor në Vushtrri. Kurse, sipas mjekëve, vet viktima është në gjendje të rëndë.
“Më datë 23 është arrestuar i dyshuari kosovar pasi që i njëjti derisa ishte duke drejtuar veturën, dyshohet nga pakujdesia ka goditur viktimën femër kosovare-këmbësore, e cila ishte shtatzënë. Dyshohet se viktima ka humbur binjakët e saj ende pa lindur, ndërsa sipas mjekëve vet viktima është në gjendje të rëndë”, thuhet në njoftimin e policisë.
Nuk dihen ende shkaqet e aksidentit të rëndë, ndërsa autori ndodhet në paraburgim.
