Policia e Tiranës ka arrestuar 11 persona, për vepra të ndryshme penale. Arrestimet janë bërë për vjedhje, përfshirje në konflikte dhe aksidente.
NJOFTIMI I POLICISE
Specialistët e Seksionit për Hetimin e Krimit Ekonomik dhe Financiar ndaluan shtetasin M. Q., 34 vjeç, banues në Tiranë, pasi dyshohet se ka falsifikuar dokumentet për shitjen e një automjeti.
Specialistët për Hetimin e Krimeve të Komisariatit të Policisë Nr. 2 ndaluan shtetasin G. K., 49 vjeç, banues në Krujë, shpallur në kërkim për veprën penale “Vjedhja”.
Gjithashtu, specialistët për Hetimin e Krimeve të Komisariatit të Policisë Nr. 2 arrestuan shtetasit:
– N. K., 35 vjeç, banues në Tiranë, pasi dyshohet se ka vjedhur një shumë parash, në një lokal në rrugën “Muhamed Gjollesha”;
– P. B., 60 vjeç, E. Xh., 30 vjeç, B. Q., 25 vjeç, të tre banues në Tiranë, pasi në rrugën “Tish Daija”, kanë kanosur me fjalë dhe goditur për shkak të detyrës, inspektorët e Inspektoriatit Shëndetësor Shtetëror.
Specialistët për Hetimin e Krimeve të Komisariatit të Policisë Nr. 3 arrestuan shtetasin J. S., 26 vjeç, banues në Tiranë, pasi ka ushtruar dhunë ndaj familjarëve të tij.
Specialistët për Hetimin e Krimeve të Komisariatit të Policisë Krujë arrestuan shtetasit:
– F. Sh., 24 vjeç, banues në Krujë, si dhe proceduan penalisht shtetasin H. Sh., 21 vjeç, banues në Krujë. Në një lokal në Krujë shërbimet e Policisë kanë konstatuar shtetasin F. Sh., i cili ka shkelur masën e sigurisë “Arrest në shtëpi”, ndërsa shtetasit H. Sh., i kanë gjetur dhe sekuestruar në cilësinë e provës materiale, sasi lënde të dyshuar narkotike kanabis;
– M. V., 33 vjeç, banues në Tiranë, pasi gjatë kontrollit të automjetit që drejtonte, shërbimet e Policisë, i gjetën e sekuestruan, në cilësinë e provës materiale, një dorezë metalike.
Specialistët e Komisariatit të Policisë Rrugore arrestuan shtetasit:
– T. G., 37 vjeç, banues në Tiranë, pasi u kap duke drejtuar automjetin në gjendje të dehur;
– M. A., 24 vjeçe, banuese në Tiranë, pasi në rrugën “Jordan Misja”, duke drejtuar automjetin, ka aksidentuar shtetasen V. C., 44 vjeçe, e cila si pasojë është dëmtuar dhe ndodhet në spital, nën kujdesin e mjekëve.–
Specialistët për Hetimin e Krimeve të Komisariatit të Policisë Nr. 3 kanë referuar materialet në Prokurori dhe po punojnë për kapjen e shtetasve A. B., 33 vjeç, A. M., 40 vjeç, dhe F. S., 34 vjeç, pasi ditën e djeshme rreth orës 21:30, në rrugën “Kastriotët”, janë konfliktuar dhe kanë goditur me automjet shtetasin H. H., 37 vjeç. Si pasojë 37-vjeçari është dëmtuar dhe ndodhet jashtë rrezikut për jetën.–
Në Komisariatin e Policisë Nr. 4 është paraqitur shtetasja K. L., 35 vjeçe, e cila ka kallëzuar se është larguar nga banesa mbesa e saj 16 vjeçe. Punohet për gjetjen e saj.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
