Kalvari i vuajtjeve për Sara Gjordenin ka nisur që në moshën 2-vjeçare.
E ftuar sot në “Ftesë në 5”, Sara rrëfeu detaje tronditëse nga jeta e saj të padëgjuara më parë. Ish-banorja e BBVIP rrëfeu se të atin nuk e ka takuar kurrë, por di episodet e dhunës së tij ndaj nënës. Ajo tregon se nga dhuna nëna ka humbur veshkën dhe është ndarë prej saj kur ishte vetëm tre vjeçe.
Mes lotësh, Sara tregoi se kur e ëma u kthye, nuk e njohu dhe i tha tezes “kush është kjo teta”.
“Mami kur është larguar, për herë të pare ka ardhur për ditën e parë të shkollës sime. Unë kam qenë në kuzhinë, më duhet të kaloja përmes korridorit kur ishte dera hapur. Te dera shoh një zonjë të veshur shumë mirë, shumë bukur. Ishte veshur shumë mirë. Teze ka ardhur një tete te dera. Im at i ka vendosur zjarrin shtëpisë ku jetoja me mamin. Luna ka bërë mos të më mungonte gjë. Kur u dogj shtëpia mu dogjën kukullat dhe tezja më ka bërë kukulla me lecka dhe gurë. Luna më ka mësuar gjithçka”-tha Sara.
