Aktorja Anna Lika ka kujtuar me një foto nga fëmijëria e saj nënën, Ilda Gjoni e cila u nda nga jeta 2 muaj më parë.
Në Ditën Ndërkombëtare të Gruas, aktorja postoi foton ku nëna e mban në krah dhe e ka shoqëruar me këngën “Come Mia Madre”, nga artisti italian Giordana Angi.
“Mezi pres të flas me ty
për të marrë frymë përseri
Kërkoj falje nëse nuk të thashë se
sa shumë të dua…”, janë vargjet që ka zgjedhur aktorja.
Ilda Gjoni, u nda nga jeta në një moshë të re, duke lënë pas tre fëmijë. Ajo humbi betejën me sëmundjen e rëndë. Jo vetëm familjarët, por artistë nga gjithë vendi kanë shprehur konsideratat më të larta për Ildën dhe pozitivitetin me të cilin e jetonte jetën.
