Kryetari i Grupit Parlamentar të Demokratëve, Gazment Bardhi është paraqitur në SPAK për të dorëzuar telefonin që të verifikojë disa mesazhe intimiduese në adresë të tij.
Bardhi ka sqaruar se mesazhet kanë mbërritur në platformën e komunikimit “Signal” nga një numër i paidentifikuar, me emër përdoruesi “Mbreti Zog”.
Ky zhvillim ka shkaktuar reagime të shumta në opinionin publik, duke ngritur pyetje mbi motivet dhe kontekstin e këtij mesazhi.
Eksperti i kriminalistikës, Ervin Karamuço, i ftuar në Euronews Albania, theksoi se aktualisht janë disa hetime që po ecin paralelisht, duke përfshirë një hetim nga Policia e Shtetit dhe një tjetër nga Anti-Terrori. Sipas tij, këto hetime përfshijnë analizën e IP-ve dhe identifikimin e personave të përfshirë.
“Janë disa hetime që po ecin paralelisht. Është hetim nga Policia e Shtetit, një nga Anti-Terrori, ku është IP-ja, ku është ku person dhe kë ka mbrapa.
Informacione ka, por janë të rrugës operative dhe të arrestohen personat konkretë.
Ndërkohë SPAK-u ka vendosur në dispozicion laboratorin më të mirë që ka, me ekspertë shqiptarë dhe izraelitë, për t’idalë deeri në fund kësaj pune.
Di t‘ju them që kjo është në vazhdën e asaj që po ndiqen nga ana e botës së së keqes për të shantazhuar, relativizuar, mbyllur gojën për këta njerëz që flasin me këto sisteme kriminale që kanë përfshirë shumë njerëz kur të dalin si të vërteta,” – ka shtuar Karamuço, duke nënkuptuar se situata është e ndërlikuar dhe se ka një përfshirje të gjerë të individëve në këto aktivitete kriminale.
