Ish-agjenti i lartë i FBI, Charles McGonigal, i është lutur gjykatëses Colleen Kollar-Kotelly që të mos e shtojë dënimin e tij përtej 4 viteve me burg.
Gjykatësja Kollar-Kotelly pritet të japë vendimin për atë që njihet si dosja shqiptare e McGonigal.
Prokuroria ka kërkuar 30 muaj burg për këtë çështje, plus një gjobë prej 95 mijë dollarësh.
Por McGonigal kërkon që gjykatësja të mjaftohet me dënimin prej 4 vitesh burg që ai ka marrë për dosjen ruse.
“Me dorë në zemër, e nderuara gjykatëse, një ndëshkim i drejtë është vendosur tashmë mbi zotin McGonigal,” thuhet në letrën drejtuar gjykatëses.
Kujtojmë se McGonigal është dënuar me 50 muaj burg për dosjen ruse.
Prokurorët nuk kanë bërë asnjë koment për kërkesën e McGonigal.
Ndërkohë, në pretencën e tyre për aferën Rama-McGonigal, për herë të parë thuhet qartë se agjenti i lartë i FBI u korruptua për llogari të qeverisë shqiptare.
