Kandidatja e Koalicionit Euroatlantik , Taulanda Jupi, ka publikuar një video në rrjetin social Facebook, ku përcjell mesazhin e saj për qytetarët në kuadër të fushatës zgjedhore.
“Unë jam natyrë gare,” shprehet Jupi në fjalën e saj, duke theksuar se gjatë gjithë jetës ka ndjekur rrugën e përpjekjes dhe jo të lehtësisë – nga akademia, në kulturë, e deri te politika.
“Garoj me veten, çdo ditë, për të qenë më e fortë, më e saktë, më e dobishme për vendin tim,” vijon ajo, duke theksuar se ndryshimi kërkon guxim dhe përkushtim.
Postimi i plote
“Unë jam natyrë gare.”
Nuk kam ndjekur rrugë të lehta. Kam zgjedhur të garoj, jo për t’u pëlqyer, por për të vepruar. Në akademi, në kulturë, në jetë dhe sot në politikë, gara ka qenë mënyra ime për të ecur përpara.
Unë nuk garoj kundër të tjerëve. Garoj me veten, çdo ditë, për të qenë më e fortë, më e saktë, më e dobishme për vendin tim.
Ndryshimi nuk vjen vetë. Ndryshimi kërkon guxim, përkushtim dhe vullnet për të qëndruar e palëkundur kur të tjerët hezitojnë.
