Vjedhje me dhunë në lagjen 15, në një pallat. Ngjarja në zonën e unazës së qytetit. Mësohet se vjedhja me dhunë ka ndodhur në lagjen 15, në një pallat në zonën e unazës së qytetit.
Autorët janë futur në banesë duke dhunuar një plak me qëllim grabitjen, ndërsa mësohet se i moshuari është në spital në gjendje të rëndë shëndetësore.
Policia në vendngjarje dhe nga info4rmacionet e para mësohet se dera e banesës së të moshuarit nuk është e shqyer, duke ngritur dyshimet autori mund të jetë një person i njohur për të, që ia ka hapur derën vetë i moshuari.
Ndërkaq në ambientet e brendshme ka shenja gjaku në dysheme, si pasojë e dhunës së ushtruar. Janë gjetur pije alkoolike brenda banesës, në tavolinë, cka sjell dyshimet që kanë qenë duke konsumuar alkool, dhe në gjendje të dehur mund të jenë konfliktuar.
Ka dyshime që dhe autori të jetë plagosur pasi ka ecur anës pallatit ngjitur ku ka lënë gjurmë gjaku, por ende nuk është identifikuar. Gjendja e rëndë e të moshuarit 80 vjeccar e bën të pamundur marrjen e tij në pyetje.
Policia Korçë – Informacion paraprak
Më datë 08.02.2024, rreth orës 07:05, spitali i Korçës ka njoftuar sallën operative të DVP Korçë se ka shkuar për ndihmë mjekësore shtetasi G. T., rreth 81 vjeç, banues në lagjen nr. 15, Korçë.
Menjëherë në banesën e 81-vjeçarit ka shkuar grupi hetimor, i cili ka konstatuar se as dera e banesës dhe as dritaret e saj, nuk janë të dëmtuara. Nga këqyrja e banesës, si dhe nga sendet dhe provat e gjetura dyshohet se 81-vjeçari mund të jetë konfliktuar me ndonjë shtetas që e ka patur në banesë.
Grupi hetimor, në drejtimin e Prokurorisë, po punon për zbardhjen e rrethanave të dëmtimit të shtetasit dhe identifikimin e autorit të dyshuar pjesëmarrës në banesën e të dëmtuarit.
Për këtë ngjarje pas sqarimit të të gjitha rrethanave të mekanizmit dhe motiveve do të kemi një njoftim të plotë.
