Eksperti i kriminalistikës, Ervin Karamuço, ka rrëfyer takimin që ka zhvilluar me kreun e SPAK, Altin Dumani.
Në emisionin “Review” në Euronews Albania, Karamuço tha se Dumani ishte i ftohtë dhe i qartë se ku donte të mbërrinte.
“Kam qenë i thirrur për një takim me drejtuesin e SPAK, zotin Dumani, për një çështje që ka kohë që ne bashkëpunojmë në lidhje mes SPAK, BKH dhe Fakultetit të Drejtësisë, që i vjen në ndihmë drejtësisë.
Një gjysmë ore takim, e para është një njeri shumë i ftohtë, shumë i qartë, me një forcë shumë të madhe argumentuese dhe ka një projeksion shumë të saktë se ku do të mbërrijë. Këto janë cilësi që unë i evidentoj për faktin se ai është drejtues.
Ai ka një gjë shumë të mirë, në zyrë nuk e hap televizorin fare, është i fokusuar vetëm te puna. Nuk ndikohet apo influencohet se çfarë tha portali filan… Produkti ynë i parë ia ka arritur qëllimit. Përballja”, tha Karamuço.
