Fansat kanë shprehur shqetësimet e tyre për bashkëshorten e Kanye West, Bianca Censori, për shkak të paraqitjes së saj eksplicite në Los Angeles.
Arkitektja australiane, 29 vjeçe, krijoi një zhurmë të madhe në media, ditën e hënë, kur mbërriti në një studio muzikore nudo, e veshur me një mushama të tejdukshme. Nga ana tjetër, bashkëshorti i saj reperi, 46 vjeç, ishte mbuluar totalisht, teksa mbante veshur një bluzë të zezë dhe pantallonta poshtë palltos së tij, si edhe një palë doreza të trasha lëkure.
Që pas publkimit të këtyre fotografive, përdoruesit e rrjeteve sociale kanë shprehur shqetësimin e tyre për mirëqenien e Bianca-s, ku njëri prej tyre shkruan: “Dikush ta shpëtojë këtë grua të humbur, të lutem! Dikush atje që mund ta ndihmojë atë?“
“Ku është familja e saj? Ajo ka nevojë për shpëtim,” u shpreh një tjetër, ndërsa i treti shtoi: “Shkrep syrin nëse keni nevojë për ndihmë”.
Të tjerë i kthyen kritikat e tyre drejt Kanye, duke e akuzuar artistin kontrovers se “kontrollon” gruan e tij, duke i treguar se çfarë duhet të veshë.
“Gjithçka ka të bëjë me Kanye, që përpiqet ta kontrollojë atë dhe ta largojë nga familja, miqtë dhe kushdo tjetër që mund t’i jepte disa këshilla për ta larguar atë sa të mundet”, shkroi njëri, ndërsa një tjetër shtoi: “Ai po e manipulon plotësisht atë”.
“Ajo nuk mund të jetë në rrjetet sociale, por ai a mund të postojë foto të saj zhveshur në të gjithë internetin? Ajo duhet të ikë prej tij tani”
“Duket se ai ka një histori të kontrollit të grave në jetën e tij”, spekuloi një tjetër.
Përdorues të tjerë të shqetësuar pohuan se ishte koha që autoritetet të përfshiheshin.
“Pse ajo nuk po arrestohet për ekspozim të pahijshëm?” pyeti një fans.
Bianca dhe Kanye u martuan fshehurazi në dhjetor 2022, vetëm një muaj pasi ai finalizoi divorcin nga Kim Kardashian, 43 vjeç.
Që atëherë, miqtë kanë shprehur frikën e vazhdueshme se reperi po manipulon të ashtuquajturën ‘gruan’ e tij dhe shumë besojnë se veprimet e tij të fundit vazhdojnë të nxjerrin në pah një model të sjelljes ‘kontrolluese’.
