Landi dhe Roland Verçani (Hoxha), babë e bir kanë humbur jetën këtë të premete si pasojë e një shpërthimi të fuqishëm në disa kapanone në vendin e njohur si “Rrerrotullimi i plastmasit”. Shkak për ngjarjen e rëndë dyshohet të jetë bërë këputja e telave të tensionit të lartë nga vinçi që komandohej nga Landi Verçani, i cili ndërroi jetë në vend. Telat ranë mbi disa depozita gazi, duke shkaktuar kështu shpërthimin, ndërsa i biri ndërroi jetë rrugës për në spitalin e Truamës në Tiranë, për shkak të plagëve të marrë.
RAPORTIMI MINUTË PAS MINUTE:
Ora 15:54, ndodh shpërthimi në Lushnje
Ora 16:05, raportohet për disa të plagosur, mes të cilëve dhe deputeti i Partisë Socialiste, Bujar Çela
Ora 16:20, identifikohet viktima Landi Verçani (Hoxha). Vinçieri që shkaktoi aksidentalisht shpërthimin
Ora 16:32, 4 nga të plagosurit nisën me urgjencë drejt Traumës, mes tyre deputeti Bujar Çela. Ky i fundit i nënshtrohet një ndërhyrjeje kirugjikale
Ora 16:48, Policia del me njoftim zyrtar për ngjarjen, raporton për një viktimë dhe tetë të plagosur
Ora 17:16, spitali i Lushnjës i mbushur plot me qytetarë dhe familjarë të të plagosurve, ndërkohë ambulancat hyjnë e dalin me shpejtësi
Ora 18:05, dalin pamjet nga shpërthimi në kapanone
Ora 18:04, pamjet rrëqethëse nga Lushnja, familjarët e viktimave, mësojnë lajmin e vdekjes dhe shpërthejnë në lot
Ora 18:19, konfirmohet viktima e dytë, Roland Verçani (Hoxha), 20 vjeç
Ora 18:23, bëhet me dije se mes të plagosurve është dhe nënkryetari i Bashkisë së Lushnjës Elton Korreshi
Ora 19:28, në spitalin e Traumës po marrin mjekim tre të plagosur, mes tyre deputeti Çela. Policia ka ngritur një grup të posaçëm hetimor për zbardhjen e ngjarjes
