Opozita shqiptare zbret të enjten para Kuvendit me thirrjen ‘ O SOT, O KURRË!’, në përpjekje për të ndaluar rrëshqitjen e vendit drejt diktaturës dhe shpëtuar Shqipërinë nga një regjim që orkestron drejtësine në goditjen e kundërshtarit politik.
Aksioni opozitar vijon si qëndresë ndaj vjedhjes së zgjedhjeve të 14 majit, instrumentalizimin e drejtësisë në favor të familjes kryeministrore, zaptimin e Parlamentit duke asgjesuar ndarjen e pushteteve, mohimin e të drejtave kushtetuese të opozitës dhe shpopullimin dramatik të vendit.
Opozita ka paralajmeruar mosbindje civile me të gjitha metodat që parashikojnë manualet ndërkombëtare të rezistencës.
Perpjekja për të burgosur liderin e opozitës duke shkelur Kushtetutën është akti i fundit për asgjesimin e pluralizmit dhe rruga drejt një opozite të emëruar nga pushteti dhe të kushtëzuar nga dosjet e drejtësisë së ‘re’.
