Një shtetas nga Kosova dyshohet se ka kryer një krim makabër në Treviso të Italisë, duke vrarë një grua 26-vjeçare, e cila ishte dhe shtatzënë.
La Repubblica ka publikuar identitetin dhe foton e të dyshuarit, ndërsa thuhet se bëhet fjalë për shtetasin Bujar Fandaj.
Mediat shkruajnë se mbi trupin e gruas italiane ai ka goditur shtatë herë me mjet prerës thikë.
Emri i viktimës është Vanessa Ballan dhe po priste fëmijën e saj të dytë.
Vrasja ka ndodhur në hyrje të shtëpisë së viktimës, teksa raportohet se viktima më parë e kishte denoncuar sulmuesin për ndjekje. Raporti shpjegon se viktima ishte rrahur brutalisht, përfshirë edhe lëndime në duar që dëshmojnë përpjekjen e saj për t’u vetëmbrojtur.
Pas aktit, policia italiane ishte vënë në kërkim të të dyshuarit, duke mos ia dalë me sukses që ta kapë atë.
Sipas raportimeve dyshohet se sulmuesi ishte klient i supermarketit ku punonte viktima.
