Kryetari i Partisë së Lirisë, Ilir Meta ka reaguar për ndarjen nga jeta të aktorit të mirënjohur të humorit, Zef Deda.
Me anë të një mesazhi në Facebook, Meta shprehet: “Kujtimi i Zef Dedës do të mbetet i përjetshëm në zemrat e të gjithë shqiptarëve”.
“Një humbje e madhe për humorin dhe artin shqiptar ndarja nga jeta e aktorit shumë të dashur për publikun, Zef Deda.
I shpreh ngushëllimet e mia të përzemërta familjes Deda.
Kujtimi i Zef Dedës do të mbetet i përjetshëm në zemrat e të gjithë shqiptarëve”, shkruan Meta.
Aktori i shquar i humorit shqiptar, një nga emblemat e tij, i madhi Zef Deda, ka ndërruar jetë sot.
Zef Deda lindi në Shkodër më 27 korrik 1950. Ai ka punuar për më shumë se 40-vite në Teatrin Migjeni të Shkodrës dhe ka lënë në teatrin dhe në komedinë shqiptare, gjurmë të forta.
