Ish-Prokurori i Krimeve të Rënda, Eugen Beçi, tha mbrëmjen e sotme se në rastin e ish-Kryeministrit Sali Berisha duhej një autorizim nga Kuvendi.
Beçi tha se në rastin konkret është cënuar siguria juridike. “Një precedent i tillë mund të ndodhë edhe me 139 deputetët e tjerë të Kuvendit. Ligjvënësi kur ka miratuar aktet ligjore është shprehur qartë, nuk flet vetëm për arrestin me burg apo atë të shtëpisë, por me çdo lloj forme tjetër të kufizimit”, tha Beçi.
Por sipas tij, ish-kryeministri, që ka edhe mandatin e deputetit, mund të paraqitej në GJKKO dhe të sqaronte se ai është deputet dhe t’I referohej ligjit përkatës, duke kërkuar kështu ndërmarrjen e procedurave të drejta.
Ndaj Berishës, GJKKO ka vendosur masën e sigurisë “detyrim paraqitje” dhe moslejimin e tij për të udhëtuar jashtë territorit të Shqipërisë.
