Për të gjitha gratë dhe vajzat tetori është një muaj ndërgjegjësues për kancerin e gjirit. Rreth 200 gra humbin jetën çdo vit në Shqipëri nga kjo sëmundje, e cila mund të parandalohet nëse kapet në kohë.
Kanceri i gjirit mbetet një nga diagnozat më vdekjeprurëse ne Shqipëri. I renditur pas kancerit të mushkërive, sëmundja e gjirit vijon të jetë një shqetësim për popullatën. Sëmundshmëria është në shifra të larta, mirëpo edhe fatalitetet zënë një numër të madh. Statistikisht një në katër gra të diagnostikuara me kancerin e gjirit, humb jetën.
Po si mund të kapet në kohë kanceri i gjirit? Mjekët apelojnë që vajzat dhe gratë të jenë të kujdesshme gjatë gjithë vitit duke mbajtur nën vëzhgim trupin e tyre si dhe tetori rozë duhet të konsiderohen 12 muajt e vitit.
