Rruga e fshatit Derjan në Mat është dëmtuar rëndë vetëm pak muaj pas përfundimit të punimeve dhe inaugurimit.
Siç shihet edhe nga pamjet e bëra publike nga mediat, segmenti është thuajse i pakalueshëm, ndërsa asfalti ka rënë pothuajse tërësisht.
Punimet për këtë rrugë nisën në dhjetor 2024 dhe u përmbyllën në prill të vitit të kaluar, por gjendja e saj aktuale ka ngritur shqetësime të forta tek banorët që e përdorin çdo ditë.
Në javën që lamë pas, vendi u përfshi nga mot i keq, me reshje të dendura dhe përmbytje të herëpashershme, duke shkaktuar dëme të konsiderueshme materiale në disa bashki. Banesa, toka bujqësore dhe infrastrukturë rrugore u prekën nga kushtet ekstreme atmosferike.
Shirat e fuqishëm “shpërlanë” asfaltin elektoral në shumë segmente, duke nxjerrë në pah probleme të punimeve të dobëta dhe abuzimet me cilësinë e investimeve publike.
