Prokuroria e Posaçme, SPAK, po kryen mesditën e kësaj të premte kontrolle në disa biznese në kuadër të hetimeve për zv/kryeministren Belinda Balluku.
Sipas raportimeve, kontrollet po ushtrohen në disa biznese që janë të lidhura me procedurat tenderuese të lotëve të Unazës së Madhe, projekt i cili është nën hetim nga SPAK.
Mësohet se ka pasur edhe sekuestro në disa prej këtyre bizneseve, të cilat ende nuk bëhen të ditura konkretisht se cilat janë.
Belinda Balluku, akuzohet për paracaktim të fituesve në tenderin e ndërtimit të Tunelit të Llogarasë, si edhe për shkelje në procedurat e lidhura me dosjen e Unazës së Madhe.
Më 31 tetor, SPAK e mori zyrtarisht të pandehur, ndërsa i ka kërkuar Kuvendit heqjen e imunitetit dhe autorizimin për arrestimin e saj.
