Policia ka arrestuar një 22-vjeçar nga Begu i Fildishtë, banues në Paskuqan, i cili akuzohet se falsifikonte viza hyrëse në Shqipëri dhe ua shiste emigrantëve të vendeve të treta.
Sipas Policisë, gjatë hetimeve të zhvilluara për disa javë, janë dokumentuar 7 raste të falsifikimit të vizave hyrëse në Shqipëri, të cilat iu janë shitur shtetasve nga Vendet e Treta kundrejt shumës prej 1000 eurosh për dokument.
Policia ka proceduar penalisht edhe dy bashkëpunëtorët e tij, Y. Z., 22 vjeç, lindur në Bregun e Fildishtë dhe banues në Paskuqan, si dhe shtetasi shqiptar A. R., 46 vjeç, banues në Shkodër.
“Seksioni për Hetimin e Krimeve Ekonomiko-Financiare në DVP Tiranë ka finalizuar me sukses operacionin policor të koduar “Itinerari”, duke goditur një rast të veprimtarisë kriminale në fushën e falsifikimit të dokumenteve.
Në pranga ka rënë organizatori i dyshuar i këtij aktiviteti të paligjshëm, shtetasi A.T., 22 vjeç, me origjinë nga Bregu i Fildishtë dhe banues në Paskuqan. Bashkë me të, janë vënë nën hetim edhe dy bashkëpunëtorë, shtetasi Y.Z., 22 vjeç, po ashtu nga Bregu i Fildishtë dhe shtetasi shqiptar A.R., 46 vjeç, banues në Shkodër.
Sipas Policisë, gjatë hetimeve të zhvilluara për disa javë, janë dokumentuar 7 raste të falsifikimit të vizave hyrëse në Shqipëri, të cilat iu janë shitur shtetasve nga Vendet e Treta kundrejt shumës prej 1000 eurosh për dokument.
Të dyshuarit bashkëpunonin për sigurimin dhe shpërndarjen e vizave të falsifikuara me qëllim lehtësimin e hyrjes së paligjshme në territorin shqiptar.”- njofton policia.
