Niveli i përgjithshëm i çmimeve pësoi rritje vjetore me 2.3% në muajin gusht me një ritëm pak më të ngadaltë se i korrikut 2.5%. Ndikimin më të lartë në inflacionin e muajit të kaluar e dhanë çmimet e ushqimeve dhe qirave.
Rritja vjetore e çmimeve në muajin Gusht është ndikuar kryesisht nga grupi “Ushqime dhe pije joalkoolike” me +0,85 pikë përqindje, pasuar nga grupi “Qira, ujë, lëndë djegëse dhe energji” me +0,63 pikë përqindje.
Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,21 pikë përqindje, çmimet e grupit “Pije alkoolike dhe duhan” me +0,16 pikë përqindje, çmimet e grupit “Argëtim dhe kulturë” me +0,14 pikë përqindje. Çmimet e grupit “Hotele, kafene dhe restorante” ndikuan me +0,13 pikë përqindje, çmimet e grupit “Mallra dhe shërbime të ndryshme” me +0,07 pikë përqindje, çmimet e grupeve “Transporti” dhe “Komunikimi” me +0,03 pikë përqindje secili, çmimet e grupeve “Veshje dhe këpucë” dhe “Shërbimi arsimor” me +0,02 pikë përqindje secili dhe çmimet e grupit “Shëndeti” me +0,01 pikë përqindje.
Krahasuar me muajin Gusht 2024, rritja më e madhe e çmimeve vërehet në grupin “Argëtim dhe kulturë” me 6,3%, pasuar nga grupet “Pije alkoolike dhe duhan” me 3,3%, “Qira, ujë, lëndë djegëse dhe energji” me 3,1%, “Mobilje, pajisje shtëpie dhe mirëmbajtje e shtëpisë” me 2,8%, “Ushqime dhe pije joalkoolike” me 2,5%, “Hotele, kafene dhe restorante” me 2,2%, “Komunikimi” dhe “Mallra dhe shërbime të ndryshme” me 1,2% secili. “Shërbimi arsimor” u rrit me 0,7%, “Veshje dhe këpucë” me 0,6%, “Transporti” me 0,5% dhe “Shëndeti” me 0,4%.
Brenda grupit të ushqimeve çmimet e nëngrupit “Vajra dhe yndyrna” patën një rritje me 6,5%, pasuar nga nëngrupet “Qumësht, djathë dhe vezë” me 3,6%, “Mish” me 3,2%, “Peshk” me 2,4%, “Fruta” me 2,1%, “Zarzavate përfshirë patatet” me 1,3%, etj.
Krahasuar me muajin Korrik 2025, çmimet e grupeve “Qira, ujë, lëndë djegëse dhe energji”, “Argëtim dhe kulturë” dhe “Hotele, kafene dhe restorante” shënuan rritje me 0,5% secili, pasuar nga grupet “Mobilje, pajisje shtëpie dhe mirëmbajtje e shtëpisë” me 0,4%, “Ushqime dhe pije joalkoolike”, “Pije alkoolike dhe duhan” dhe “Veshje dhe këpucë” me 0,3% secili, “Transporti” me 0,2%, “Shëndeti”, “Komunikimi” dhe “Mallra dhe shërbime të ndryshme” me 0,1% secili.
/Monitor.al/
