Maska.al kishte bërë kërkesë pran Federatës Shqiptare të Futbollit për të qenë e pranishme në sfidën mes Shqipërisë dhe Letonisë e cila do të zhvillohet më 9 shtator, ora 20:45.
Ndërkaq FShF, sërish nuk e ka akredituar Maska.al për ndeshjen Shqipëri Letoni, e vlefshme për kualifikueset e Kampionatit Botëror 2026, me pretekstin se vendet për këtë ndeshje janë të limituara për shkak të pranisë së shumtë të transmetuesve televizivë që kanë të drejtën e transmetimit dhe mediave të huaja.
Duke përdorur të njëjtin preteks që ka dhënë në Mars të këtij viti, ku shkak u bë mbështetja e drejtë që Maska.al ju ka dhënë Tifozave Kuq e Zi, pasi FSHF i la pa bileta.
Maska.al asokohe ishte akredituar nga UEFA për ndeshjet e Europianit 2024 në Gjermani teksa nuk plotëson dot kriteret e FSHF-së për një ndeshje kundër Andorës.
Ndërkaq deri më tani janë shitur vetëm 13 mijë bileta, pra shikohet qartë interesi i madh që është për këtë ndeshje.
E-mail qe FSHF i ka kthyer Maska.al
Duke uruar të jeni mirë, ju informojmë se ju nuk jeni akredituar për ndeshjen Shqipëri Letoni, e vlefshme për kualifikueset e Kampionatit Botëror 2026.
Vendet për këtë ndeshje janë të limituara për shkak të pranisë së shumtë të transmetuesve televizivë që kanë të drejtën e transmetimit dhe mediave të huaja. Në të njëjtën kohë, prioritet kanë të gjithë gazetarët/fotoreporterët që mbulojnë gjatë gjithë vitit të gjitha aktivitetet e ekipeve tona kombëtare dhe veçanërisht Kombëtares A.
Ju falënderojmë për interesin dhe mirëkuptimin tuaj.
Departamenti i Komunikimit dhe Medias
Federata Shqiptare e Futbollit
