Kryetarja e Kuvendit, Elisa Spiropali, ka firmosur një tender për blerjen e automjeteve zyrtare të Kuvendit, vetëm pak kohë para nisjes së legjislaturës së re. Tenderi, me objekt “BLERJE AUTOVETURA” dhe fond limit 13.033.335 lekë pa TVSH, u firmos më 7 korrik 2025 dhe u bë publik nga Agjencia e Prokurimit Publik më 11 gusht 2025.
Sipas dokumenteve të tenderit, operatori ekonomik “Mektrin Motors” sh.p.k paraqiti ofertën më të ulët, 11.250.000 lekë pa TVSH, por u skualifikua nga komisioni i prokurimit. Edhe kompania “Porsche Albania” sh.p.k, e cila ofroi një çmim total prej 11.800.000 lekësh pa TVSH, u skualifikua, duke lënë jashtë konkurrencës ofertat më të lira.
Në fund, fituese u shpall kompania “Albania Motor Company” sh.p.k, pronë e vëllezërve Dulaku, me ofertën 12.900.000 lekë pa TVSH, rreth 1 milionë lekë më e lartë se fondi limit dhe shumë më e shtrenjtë se ofertat e skualifikuara.
