Pas lajmit tronditës për vdekjen e Diogo Jotës, sulmuesit të Liverpoolit, dhe vëllait të tij André Silva, Federata Portugeze e Futbollit ka reaguar me një deklaratë prekëse, duke shprehur dhimbjen e thellë për humbjen e dy figurave të çmuara të futbollit portugez.
Në deklaratën zyrtare thuhet: “Federata Portugeze e Futbollit dhe gjithë futbolli portugez janë thellësisht të tronditur nga vdekja tragjike e Diogo Jotës dhe André Silvës, këtë mëngjes në Spanjë. Më shumë se një lojtar i jashtëzakonshëm me gati 50 ndeshje me kombëtaren A, Diogo ishte një njeri i jashtëzakonshëm, i respektuar nga bashkëlojtarët dhe kundërshtarët, i njohur për gëzimin ngjitës dhe si një figurë shembullore në komunitet.”
Presidenti i Federatës, në emrin e tij dhe të institucionit që përfaqëson, shprehu ngushëllimet më të sinqerta për familjarët, miqtë dhe klubet e lojtarëve – Liverpool FC dhe FC Penafiel.
Federata ka kërkuar zyrtarisht nga UEFA mbajtjen e një minute heshtjeje për nder të Diogos dhe Andrés, përpara ndeshjes që do të luajë kombëtarja portugeze e femrave ndaj Spanjës, këtë të enjte në kuadër të Kampionatit Evropian.
“Kemi humbur dy kampionë. Humbja e Diogo Jotës dhe André Silvës është e parikuperueshme për futbollin portugez dhe do të bëjmë gjithçka për të nderuar përditë trashëgiminë e tyre,” – thuhet në fund të deklaratës.
A Federação Portuguesa de Futebol e todo o Futebol português estão completamente devastados com a morte de Diogo Jota e do seu irmão André Silva, esta madrugada, em Espanha.
Muito mais do que o fantástico jogador, com quase 50 internacionalizações pela Seleção Nacional A, Diogo… pic.twitter.com/EN901fH6FG
— Portugal (@selecaoportugal) July 3, 2025
