Një sasi eurosh të padeklaruara janë gjetur në një furgon gjatë kontrollit të automjeteve që kanë mbërritur sot në Portin e Vlorës nga Italia.
Sipas policisë kufitare të Vlorës, në mjetin tip Mercedes Benz tip Vito janë gjetur të fshehura 45 mijë euro.
Policia është duke marrë në pyetje drejtuesin e furgonit, Kreshnik Ramo si dhe burimin e eurove që ishin të fshehura.
“Rreth orës 08.00, gjatë përpunimit të tragetit të linjës Brindisi-Vlorë, shërbimet e DVKM Vlorë, kanë kaluar për kontroll në vijën e dytë automjetin tip ‘Mercedes Benz Vito’, me drejtues mjeti shtetasin Kreshnik Ramo. Gjate kontrollit ne vijën e dytë, në sediljen e mjetit janë gjetur një sasi prej 45. 600 euro të padeklaruara”, njofton policia.
Ramo u shoqërua në polici dhe po kryhen veprimet proceduriale si i dyshuar për “Mosdeklarimi ne kufi i te hollave dhe sendeve me vlere”.
